ქეთევან ქოქიაური, „ქართულ-ამერიკული საექთნო საზოგადოებრივი კოლეჯის“ პროფესიული პედაგოგი და კლინიკური პრაქტიკის მენტორი, „კ. ერისთავის სახელობის ექსპერიმენტური და კლინიკური ქირურგიის ეროვნული ცენტრის" მთავარი ექთანი, სოციალურ ქსელში აქვეყნებს ხელნაწერ წერილს, რომლის ადრესატიც ჩვენი კოლეჯის პირველი მიღების პროფესიული სტუდენტი გიორგი ც-ა. წერილში კარდიოლოგიური განყოლფილების ერთ-ერთი პალატის პაციენტები განსაკუთრებულ მადლობას უხდიან ჩვენს სტუდენტს.
„მინდა, გაგიზიაროთ ერთი ძალიან სასიამოვნო ამბავი. რაც ჩვენი სასწავლებლის ბავშვები დადიან ქირურგიის ეროვნულ ცენტრში, ბევრჯერ მსმენია საქებარი სიტყვები მადლიერი პაციენტებისაგან, მაგრამ ეს პაციენტის წერილი არის ყველაზე საუკეთესო ჯილდო ტრენერისთვის და სასწავლებლისთვის. ეს ყველა ტრენერის დამსახურებაა!!! მადლობა გიორგის ასეთი შრომისთვის," - წერს სოციალურ ქსელში ქეთევან ქოქიაური.
